Մեր Ղեկավարները

2007 թվականին «Գրանդ Տոբակո» ՍՊԸ-ի գործադիր տնօրեն նշանակված պարոն Սահակյանը ընկերության արժեքավոր աշխատակից է 1985 թվականից: Նա իր աշխատանքային գործունեությունը սկսել է որպես գլխավոր հաշվապահի տեղակալ։ Այս ընթացքում գործարանը դեռ հայտնի էր որպես «ՀԱՅԾԽԱԽՈՏԱՐԴ» արտադրական միավորում։

Պարոն Սահակյանը ստացել է «Ֆինանսներ» մասնագիտության դիպլոմ  Երևանի Պետական Տնտեսագիտական համալսարանից, որը նա ավարտել է 1982 թվականին։

«Գրանդ Տոբակո»-ի հետ իր շուրջ 4 տասնամյա անցած ուղու ընթացքում պարոն Սահակյանը զբաղեցրել է «Գրանդ Տոբակո»-ի գործադիր տնօրենի (1997-2000թթ.), «Մասիս Տոբակո» -ի գործադիր տնօրենի (2000-2003թթ.) պաշտոնները, ինչպես նաև ընտրվել ՀՀ Ազգային ժողովի պատգամավոր (2003-2007թթ.): 2007 թվականից առ այսօր նա հաջողությամբ ղեկավարում է ընկերության ողջ գործունեությունը։

Որպես հեղինակավոր ղեկավար՝ իր ծառայողական պարտականությունները գերազանց կատարելու համար պարոն Սահակյանը երկու անգամ պարգևատրվել է մեդալներով։ 2015 թվականին «Գրանդ Տոբակո»-ի նախագահի կողմից պարգևատրվել է «Հրանտ Վարդանյան» մեդալով կազմակերպության արդյունավետ կառավարման համար։ 2018 թվականին Հայաստանի Հանրապետության կառավարության կողմից ստացել է «Աշխատանքային նվաճումների համար» մեդալը։

Զբաղեցնելով մի քանի ղեկավար պաշտոններ՝ պարոն Սահակյանը մշտապես վճռական է և լավատես։ Նրա անհատականության ամենաուժեղ կողմերը ազնվությունն ու հավատարմությունն են: Նա միշտ բարիդրացիական հարաբերություններ է պահպանում աշխատակիցների հետ՝ ապահովելով թիմի յուրաքանչյուր անդամի իրեն ընդունված ու գնահատված զգալը:

Մարինա Մարաբյանը մեր թիմի կազմում է 1999 թվականից։

Այս տարիների ընթացքում Մ. Մարաբյանը զգալի ներդրում է ունեցել ընկերության առաջխաղացման և միջազգային շուկաների ընդլայնման գործում։

Մ. Մարաբյանն ունի Երևանի պետական համալսարանի արաբերեն լեզվի և գրականության դիպլոմ, ինչպես նաև Շեֆֆիլդի համալսարանի ընդհանուր կառավարման մագիստրոսի կոչում:

Իր կարիերայի սկզբում նա պատասխանատու էր մատակարարման շղթայի և լոգիստիկայի համար՝ զբաղեցնելով «Ինտերնեյշնլ Մասիս Տաբակ»-ի և «Մասիս Տոբակո»-ի կոմերցիոն տնօրենի պաշտոնը: 2005 թվականին Մարինա Մարաբյանը ստանձնել է «Ինտերնեյշնլ Մասիս Տաբակ» ՍՊԸ-ի գործադիր տնօրենի պաշտոնը և զբաղեցրել է այն մինչև 2012թ.: Նույն թվականին ընտրվել է Հայաստանի Հանրապետության Ազգային ժողովի պատգամավոր։

2017 թվականից Մ. Մարաբյանը նախագահի ավագ խորհրդականն է՝ կենտրոնանալով ընկերության միջազգայնացման ռազմավարության և գլոբալ գործունեության վրա։

Լինելով մեր ընկերության արժեհամակարգի ջատագովը՝  նա արժանացել է մի շարք ճանաչումների ու մրցանակների, որոնցից ամենավերջինը հավատարմության և գերազանց աշխատանքային գործունեության համար շնորհված «Հրանտ Վարդանյան» մեդալն է:

Գրիգոր Ավալյանը մեր ընկերությանը միացել է 2004 թվականին որպես «Գրանդ Տոբակո»-ի գլխավոր հաշվապահ։ 2020 թվականին նշանակվել է նախագահի ֆինանսական խորհրդական:

Պարոն Ավալյանը ստացել է Երևանի պետական տնտեսագիտական համալսարանի «Տնտեսական գործունեության վերլուծութուն և հաշվապահություն» ֆակուլտետի դիպլոմ։

Իր աշխատանքային գործունեության երկու տասնամյակների ընթացքում 2007-2020թթ․ ընկած ժամանակահատվածում պարոն Ավալյանը զբաղեցրել է Ֆինանսական տնօրենի պաշտոնը։ 2020 թվականից առ այսօր նախագահի ֆինանսական հարցերով խորհրդականն է։

2017 թվականից մինչև 2018 թվականը պարոն Ավալյանն ընտրվել է ՀՀ Ազգային ժողովի պատգամավոր։

Որպես հարգված ղեկավար՝ իր աշխատանքային նվաճումների համար պարգևատրվել է «Հրանտ Վարդանյան» մեդալով «Գրանդ Տոբակո»-ի նախագահի կողմից։

Պատասխանատու լինելով բոլոր ֆինանսական միջոցների վերահսկման համար՝ պարոն Ավալյանն աչքի է ընկնում իր ազնվությամբ, հավատարմությամբ և արհեստավարժությամբ։ Նա շատ կարեկից է, նվիրված իր գործին և վճռական իր գործունեության մեջ։

«Ինտերնեյշնլ Մասիս Տաբակ» ՍՊԸ-ում ավելի քան 20 տարվա նվիրյալ աշխատանքով Լուսինե Գևորգյանն իրեն 2003 թվականից սկսած դրսևորել է որպես ընկերության անփոխարինելի աշխատակից:

Երևանի պետական համալսարանի շրջանավարտ տիկին Գևորգյանն ունի  ռոմանոգերմանական ֆակուլտետի  դիպլոմ։

Նա «Ինտերնեյշնլ Մասիս Տաբակ»-ում սկսել է աշխատել որպես առևտրի բաժնի թարգմանիչ՝ անշեղորեն առաջ շարժվելով կարիերայի աստիճաններով։

2005 թվականին կոմերցիոն բաժնի ղեկավարի պաշտոնը ստանձնելու պահից մինչև 2012 թվականին գործադիր տնօրենի ներկայիս պաշտոնի ստանձնումը Լուսինե Գևորգյանի անցած ուղին նշանավորվում է շարունակական մասնագիտական առաջընթացով:

Հավատարիմ լինելով ընկերության աճի և համաշխարհային ճանաչման գաղափարին՝ տիկին Գևորգյանի ջանքերը «Ինտերնեյշնլ Մասիս Տաբակ»-ին դիրքավորեցին որպես ոլորտի առաջատար ինչպես տարածաշրջանային, այնպես էլ միջազգային մակարդակում:

Պարոն Թադևոսյանը մեր ընկերությանն է միացել է 2001 թվականին որպես համակարգող, իսկ հետագայում՝ որպես տեխնոլոգիական տնօրեն։

2006 թվականին նշանակվել է «Մասիս Տոբակո» ՍՊԸ-ի գործադիր տնօրեն:

Պարոն Թադևոսյանը 1982 թվականին ավարտել է Երևանի պետական գյուղատնտեսական համալսարանը և ունի հիդրոինժեների  դիպլոմ։

2008 թվականից առ այսօր պարոն Թադևոսյանը Հանրային խորհրդի անդամ է, Ձեռնարկատիրական գործունեության և սպառողների իրավունքների պաշտպանության հարցերի հանձնաժողովի նախագահ։

2010 թվականից մինչ օրս  նա նաև FREDA և IFAD կազմակերպությունների անդամ է։ Պարոն Թադևոսյանը ՀՀ Գյուղատնտեսական զարգացման միջազգային  հիմնադրամի հոգաբարձուների խորհրդի անդամ է և գյուղատնտեսության զարգացման  ռազմավարական ծրագրերի իրականացման հանձնաժողովի անդամ:

Գյուղատնտեսության ոլորտում ունեցած նվաճումների համար Հովհաննես Թադևոսյանը պարգևատրվել է Լեռնային Ղարաբաղի Հանրապետության գյուղատնտեսության նախարարության ոսկե մեդալով։

Ունի նաև Լեռնային Ղարաբաղի Հանրապետության նախագահի երախտագիտության մեդալ։

Պարոն Թադևոսյանը պատասխանատու է ծխախոտի աճեցման ողջ գործընթացի համար՝ սկսած ճիշտ սերմերի ընտրությունից մինչև բերքահավաքը։

Իր՝ ավելի քան երկու տասնամյակ ձգվող գործունեության ընթացքում պարոն Թադևոսյանն իրեն դրսևորել է աշխատասեր, շփվող, հեռատես ղեկավար, որը հաջողությամբ բարիդրացիական հարաբերություններ է պահպանում «Մասիս Տոբակո»-ի հետ պայմանագիր կնքած բոլոր ֆերմերների հետ։

Արմենուհի Հովհաննիսյանը 2011 թվականին նշանակվել է «Գրանդ Տոբակո» ՍՊԸ-ի և «Ինտերնեյշնլ Մասիս Տաբակ» ՍՊԸ-ի տեխնոլոգիական տնօրեն։ Նա մեր ընկերությանը միացել է 1996 թվականին որպես կոմերցիոն բաժնի ղեկավար: Այս ընթացքում գործարանը դեռ հայտնի էր որպես «ՀԱՅԾԽԱԽՈՏԱՐԴ»:

Տիկին Հովհաննիսյանը 1986 թվականին ստացել է Երևանի Բրյուսովի անվան պետական լեզուների և հասարակական գիտությունների համալսարանի անգլոգերմանական ֆակուլտետի դիպլոմ։

«Գրանդ Տոբակո»-ում իր շուրջ 3 տասնամյա գործունեության ընթացքում տիկին Հովհաննիսյանը զբաղեցրել է կոմերցիոն, այնուհետև տեխնոլոգիական տնօրենի պաշտոնները, իսկ 2000 թվականին զբաղեցրել է «Գրանդ Քենդի» հրուշակեղենի ընկերության գործադիր տնօրենի պաշտոնը:

2003-2007 թվականներին տիկին Հովհաննիսյանն ընտրվել է ՀՀ Ազգային ժողովի պատգամավոր։

Աշխատանքային ձեռքբերումների համար տիկին Հովհաննիսյանը 2015 թվականին պարգևատրվել է «Հրանտ Վարդանյան» մեդալով։

Պատասխանատվություն ստանձնելով բոլոր գործարաններում  տեխնոլոգիական գործընթացի և որակի համար՝ տիկին Հովհաննիսյանն առանձնանում է իր աշխատասիրությամբ և պատասխանատվությամբ։

2002 թվականին «Գրանդ Տոբակո» ՍՊԸ-ի և «Ինտերնեյշնլ Մասիս Տաբակ» ՍՊԸ-ի տեխնիկական տնօրեն նշանակված Ռոբերտ Մարաշլյանը մեզ միացել է 1972 թվականին որպես ինժեներ-մեխանիկ:

Այդ ընթացքում գործարանը դեռ հայտնի էր որպես «ՀԱՅԾԽԱԽՈՏԱՐԴ» արտադրական միավորում:

Պարոն Մարաշլյանն 1972 թվականին ստացել է Մոսկվայի Պլեխանովի անվան ժողովրդական տնտեսության ինստիտուտի ծխախոտի արտադրության մեքենաների և սարքերի ֆակուլտետի դիպլոմ։

«Գրանդ Տոբակո»-ում, իր՝ ավելի քան 5 տասնամյակ շարունակվող գործունեության ընթացքում պարոն Մարաշլյանը զբաղեցրել է ֆիլտրերի և ծխախոտի արտադրության ինժեներ-մեխանիկի պաշտոնը, իսկ 1997 թվականից զբաղեցնում է «Գրանդ Տոբակո»-ի տեխնիկական տնօրենի պաշտոնը:

2015 թվականին պարոն Մարաշլյանն իր պրոֆեսիոնալիզմի և պատասխանատու աշխատանքի համար պարգևատրվել է «Հրանտ Վարդանյան» մեդալով։

Ռոբերտ Մարաշլյանն աչքի է ընկնում իր ստեղծագործ և եռանդուն բնավորությամբ,  ինչպես նաև անսահման լավատեսությամբ:

Ալեքսանդր Ղարայանն իր աշխատանքային գործունեությունը «Գրանդ Տոբակո» ՍՊ ընկերությունում սկսել է 2012 թվականին որպես տեխնիկական ղեկավար։ 2017 թվականից նշանակվել է «Գրանդ Տոբակո»-ի գլխավոր ինժեներ։

Պարոն Ղարայանն ունի Հայաստանի ազգային ճարտարագիտական համալսարանի ավարտական դիպլոմ, ինչպես նաև մեքենաշինության և մեքենագիտության բնագավառում մագիստրոսի և ասպիրանտի աստիճաններ:

2018 թվականին պարոն Ղարայանը ստացել է բիզնեսի կառավարման մագիստրոսի որակավորում։

Պարոն Ղարայանը ղեկավարում է բոլոր ինժեներական ստորաբաժանումները, պլանավորում, համակարգում և վերահսկում է ամբողջ գործարանի տեխնիկական աշխատանքները:

Նա նաև հաջողությամբ բացահայտում է արտադրության  հետ կապված բիզնեսի բարելավման հնարավորությունները:

Պարոն Ղարայանի անհատականության ամենաուժեղ կողմերն են հուսալիությունը, արհեստավարժությունը, պատասխանատվությունը և ազնվությունը:

2013 թվականին «Գրանդ Տոբակո» ՍՊԸ-ի արտադրության պետ նշանակված պարոն Մելքոնյանը մեր թիմին միացել է 2004 թվականից որպես տեխնոլոգ։

Պարոն Մելքոնյանն ունի Երևանի պետական համալսարանի աշխարհագրության և երկրաբանության ֆակուլտետի դիպլոմ։

2018 թվականին ստացել է բիզնեսի կառավարման մագիստրոսի որակավորում։

Պարոն Մելքոնյանը «Գրանդ Տոբակո»-ում նախկինում աշխատել է որպես ծխախոտի արտադրության հերթափոխի պետ, այնուհետև՝ ծխախոտի արտադրության ղեկավար։ Ընդհանուր առմամբ ոլորտում նա ունի 20 տարվա փորձ։

Պարոն Մելքոնյանը պատասխանատու է ամբողջ արտադրական գործընթացի անխափան  աշխատանքի համար, որտեղ նա հաջողությամբ սահմանում է արտադրական նպատակներն ու խնդիրները:

Արսեն Մելքոնյանը լավ հաղորդակցական հմտություններով օժտված աշխատակից է, ով կարող է ուրիշներին էլ մոտիվացնել նոր ձեռքբերումների և նվաճումների հասնելու գործում։

Նա ինքնավստահ, փորձառու և որոշումներ կայացնող աշխատակից է:

«Ինտերնեյշնլ Մասիս Տաբակ» ՍՊԸ-ի բարձր գնահատված անդամ Վահագն Խալաթյանը միացել է մեր թիմին 2000 թվականից որպես կարգավորող-մեխանիկ:

2017 թվականին նշանակվել է «Ինտերնեյշնլ Մասիս Տաբակ» ՍՊԸ-ի արտադրության գծով փոխտնօրեն։

1996 թվականին պարոն Խալաթյանը հաջողությամբ ավարտել է Հայաստանի պետական ճարտարագիտական համալսարանի մեքենաշինական ֆակուլտետը և ստացել ինժեներ-էլեկտրատեխնիկի որակավորում:

Ավելի քան 23 տարվա գործունեության ընթացքում նա ունեցել է կարիերայի շարունակական աճ՝ 2000 թվականին զբաղեցնելով կարգավորող-մեխանիկի, 2001 թվականին՝ տեխնիկական տնօրենի և 2012 թվականին՝ «Գրանդ Տոբակո» ՍՊԸ-ի գլխավոր ինժեների պաշտոնները։

Որպես ինժեներատեխնիկական ոլորտի իրազեկված աշխատակից՝ նա ներդնում է իր ողջ գիտելիքներն ի շահ «Ինտերնեյշնլ Մասիս Տաբակ» ՍՊԸ-ի արտադրական բլոկի հաջող կառավարման գործում։

Գրիգոր Սողոմոնյանը 2012 թվականին նշանակվել է «Ինտերնեյշնլ Մասիս Տաբակ» ՍՊԸ-ի գլխավոր ինժեներ: Նա ընկերության արժեքավոր աշխատակիցներից է, ով մեր թիմին միացել է որպես գլխավոր էներգետիկ  դեռևս 1999 թվականից:

Պարոն Սողոմոնյանն ավարտել է Երևանի Կ. Մարքսի անվան պոլիտեխնիկական ինստիտուտի ջերմամատակարարման և օդափոխության ֆակուլտետը՝ ստանալով ինժեներ-շինարարի որակավորում։

«Գրանդ Հոլդինգ»-ում 24 տարվա իր գործունեության ընթացքում պարոն Սողոմոնյանը 1999-2004 թվականներին զբաղեցրել է «Մասիս Տաբակ» ՍՊԸ-ի գլխավոր էներգետիկի, այնուհետև 2004 թվականից մինչև օրս՝ «Ինտերնեյշնլ Մասիս Տաբակ» ՍՊԸ-ում գլխավոր ինժեների պաշտոնը:

Զբաղեցնելով ընկերության գլխավոր ինժեների պաշտոնը՝ պարոն Սողոմոնյանը մշտապես հետաքրքիր լուծումներ է առաջարկել ընկերության ղեկավարությանը և ստեղծել մեծ ինժեներատեխնիկական պրոֆեսիոնալ թիմ, որը հաջողությամբ լուծում է ընկերության առջև ծառացած խնդիրները։

Գրիգոր Սողոմոնյանի արժեքավոր ներդրումներից է ընկերության հետագա զարգացման համար որակյալ ինժեներատեխնիկական կադրերի պատրաստումը։ Պարոն Սողոմոնյանը միշտ քաջատեղյակ է ինժեներատեխնիկական ոլորտի նորություններից և դրանք հաջողությամբ կիրառում է ի նպաստ ընկերության զարգացմանը։