.png)
«ԳՐԱՆԴ ՏՈԲԱԿՈ» - «ՀԱՅԾԽԱԽՈՏԱՐԴ» - «ԵՐԵՎԱՆԻ ԾԽԱԽՈՏԻ ԿՈՄԲԻՆԱՏ»
100-ԱՄՅԱ ՊԱՏՄՈՒԹՅՈՒՆ
Հայաստանում ծխախոտի մշակությամբ զբաղվել են XIX դ. սկզբից, սակայն ծխախոտագործությունը արագ տեմպերով սկսել է զարգանալ Հայաստանում խորհրդային կարգերի հաստատվելուց հետո։ 1924 թ. հիմնադրվեց Երևանի ծխախոտի կոմբինատը՝ Հայկոոպ սպառողական ընկերության հիմքի վրա։
Մինչև 1948 թ․ Երևանի ծխախոտի կոմբինատը արտադրում էր միայն գլանակ և ծխախոտ։ 1948 թ․ մեկնարկեց ֆիլտրով և առանց ֆիլտրի սիգարետների արտադրությունը, իսկ 1960-ականների կեսերից ԽՍՀՄ-ում առաջին անգամ կազմակերպվեց ացետատային ֆիլտրերի արտադրություն Երևանի ծխախոտի կոմբինատում։
3600
GT-ի, IMT-ի և MT-ի աշխատակիցները
10
Առաջատար ապրանքանիշեր
.svg){kind=small}
12
Արտադրական օբյեկտներ
500
ֆերեմերային պայմանագրեր ՄՏ-ի հետ
Հրանտ Վարդանյան
«Գրանդ Տոբակո» ընկերության հիմնադիր
«Գրանդ Տոբակո» ընկերությունը հիմնադրել է բարերար և գործարար Հրանտ Վարդանյանը։ 1974 թվականից աշխատելով «ՀԱՅԾԽԱԽՈՏԱՐԴ» արտադրական միավորումում՝ նա ձեռք է բերել ոլորտում անգնահատելի գիտելիքներ ու փորձ: Արդյունքում Խորհրդային Միության փլուզման ժամանակաշրջանում նրան հաջողվեց փրկել հայկական ծխախոտագործությունը ու ծխախոտի արտադրությունը։
Վարդանյանների ընտանիքի ջանքերի և քրտնաջան աշխատանքի շնորհիվ «Գրանդ Տոբակո», «Մասիս Տոբակո» և «Ինտերնեյշնլ Մասիս Տաբակ» ընկերություններն այսօր դարձել են Հայաստանի տնտեսության հիմնաքարը։
ՀՈՒՆՎԱՐԻ 23-Ը ՀԱՅՏՆԻ ԳՈՐԾԱՐԱՐ ԵՎ ԲԱՐԵՐԱՐ ՀՐԱՆՏ ՎԱՐԴԱՆՅԱՆԻ ԾՆՆԴՅԱՆ ՕՐՆ Է
Նա կդառնար 75 տարեկան: Եվ ի՞նչ իմանար, որ փորձություններով լի իր անձնուրաց կյանքը մի օր լեգենդ է դառնալու: Արտաքուստ հանգիստ, զուսպ և համարձակ ձեռնարկումներով, ազգային ու պետական մտածողության ամբողջությամբ ապրեց ու հավերժացավ Հրանտ Վարդանյանը:
Մեծատառով մարդ, որը սկիզբ դրեց տեղական արտադրությանը, ջերմեռանդ հանդես եկավ հարկային պարտականությունները լիարժեք կատարելու դիրքերից, որովհետև հասկանում էր պետության հզորացման կարևորության մասին:
Նա արեց ամեն ինչ, որպեսզի հայ մարդը իր հողի և հայրենիքի վրա կայուն զբաղմունք ու աշխատանք ունենա, քանզի հասկանում էր, որ հայրենիքից դուրս և ոչ մի հայ լիարժեք երջանիկ չի կարող լինել:
Հրանտ Վարդանյանը առաջինը հասկացավ, որ Հայաստանում անհրաժեշտ մտավոր, կադրային ու արտադրական ներուժ կա՝ ներքին և արտաքին շուկաներում մրցելու համար:
Նա մյուս արտադրողների համար օրինակ դարձավ և իր գործունեությամբ ապացուցեց, որ զանգվածային գործազրկության, արտագաղթի և շրջափակման պայմաններում, հայ ազգը ոչ միայն կարող է աշխատել, որակով արտադրանք տալ, իր երկրում արժանապատվորեն ապրել, այլև իր արտադրանքը արտահանել ու այլ երկրներում բազմամիլիոնանոց շուկաներ գրավել:
Մեծ գործարարը իր գործերով ապացուցեց, որ հայ մարդը կարող է, ի վիճակի է հասնել իր նպատակին և արժանի է ավելիին:
Այսօր Հրանտ Վարդանյանի հիշատակը վառ են պահում նրա զավակները ու թոռները, և նրա հիմնադրած ընկերությունների խումբը` Գրանդ Հոլդինգի կազմում, Հանրապետության ամենախոշոր հարկատուն է, առաջինը՝ պատրաստի արտադրանքի արտահանման ծավալով ու աշխատատեղերի քանակով:
Հրանտ Վարդանյանը ապրեց հետաքրքիր և բեղմնավոր կյանքով ու թողեց բարի հիշատակ: Կարևորը, որ թողնես բարի հիշատակ, այնպիսին, ինչպիսին թողել է հայտնի գործարարը, իր պետության քաղաքացին, հայրենասերը ու պարզապես շիտակ հայ մարդը, որի երկրային ուղին ընդհատվեց 10 տարի առաջ:
Երանի թե ապրեր, ապրեր իր համար, ապրեր բոլորիս համար:
2000 թվականին հիմնադրված «Մասիս Տոբակո»-ն հիմնականում զբաղվում է Հայաստանում ծխախոտահումքի աճեցմամբ։ Այսօր ավելի քան 500 ֆերմերային տնտեսություն զբաղվում է այս բիզնեսով և հանդիսանում ԳՏ-ի և ԻՄՏ-ի տեղական ծխախոտահումքի էքսկլյուզիվ մատակարարը:
«Ինտերնեյշնլ Մասիս Տաբակ» ծխախոտի արտադրությունն ունի բարձր նորարարական մակարդակ և հագեցված է նորագույն սարքավորումներով: ԻՄՏ-ն հաճախ ներդրումներ է կատարում նորագույն տեխնոլոգիաների մեջ՝ ոլորտում իր մրցակցային դիրքն ամրապնդելու նպատակով:
Այսօրվա դրությամբ բոլոր երեք ընկերություններում հաշվվում է ընդհանուր առմամբ 4 ծխախոտի կտրտման արտադրամաս, 4 ծխախոտի արտադրման արտադրամաս, ֆիլտրերի արտադրության տեղամաս և ծխախոտի ջղազրկման հոսքագիծ։ Հայտնի ապրանքանիշերի արտադրանքի լայն տեսականի թողարկելու համար մեր գործարաններում օգտագործվում են նորագույն սարքավորումներ և բարձորակ հումքեր։